Boiro celebra a chegada da primavera cunha campaña de premios e actividades no comercio local 

A Asociación Boirense de Empresas (ABE) pon en marcha a campaña "Ola Primavera!" co obxectivo de incentivar as compras nos establecementos locais a través de promocións, sorteos e actividades especiais. A iniciativa, que se desenvolverá do 24 de marzo ao 6 de abril, busca ofrecer vantaxes adicionais aos clientes e potenciar o comercio de proximidade.

Premios e incentivos para os clientes

A campaña contará cun atractivo sorteo especial, no que os clientes que rexistren os seus tickets de compra en www.abe.gal participarán para gañar unha paga mensual de 100€ ata decembro, sumando un total de 900€ en bonos ABE. O sorteo celebrarase o 7 de abril.

Gran Festa de Compras – Sábado 5 de abril

Como broche final da campaña, o sábado 5 de abril organizarase unha xornada especial con diversas actividades para animar as compras:

• Ruleta da Sorte: Cada cliente que presente un ticket superior a 10€ das compras realizadas o venres 4 e o sábado 5, en calquera dos 208 negocios asociados, poderá xirar a ruleta e optar a premios directos como imáns abridores, ambientadores para coche, neceseres, tazas ou cordóns para chaves.
• Palomitas gratis: Todos os participantes na ruleta recibirán tamén unha bolsa de palomitas.
• Jaima ABE: A ABE instalará unha jaima no centro da vila onde os clientes poderán trocar os seus tickets polas tiradas na ruleta e recoller as súas palomitas.

Un comercio vestido de primavera

Durante a campaña, os establecementos adheridos estarán decorados con carteis en forma de flor, creando un ambiente primaveral e festivo que fará máis atractiva a experiencia de compra.

Presentación do novo catálogo de premios ABE

Ademais, dentro das actividades da campaña,  a ABE presentará o mércores 2 de abril ás 13:45 horas, un novo catálogo de premios, cunha imaxe renovada e novas recompensas. Para celebralo, os clientes que rexistren os seus tickets os días 4 e 5 de abril acumularán o dobre de puntos para trocar por premios.

Unha aposta pola dinamización do comercio local

A campaña "Ola Primavera!" busca reforzar o comercio de proximidade e premiar a fidelidade dos clientes. Desde a ABE, convidan a toda a cidadanía a participar e gozar desta iniciativa que traerá premios, diversión e vantaxes exclusivas para os compradores de Boiro.